БИШКЕК, 27-май — Sputnik. Борбор калаада эртең түшкө чейин күн ачык болуп, кечке маал жамгыр жаап, добул болушу ыктымал. Бул туурасында Кыргызгидромет кызматы маалымдады.
Республиканын аймактары боюнча алсак, күндүн табы Таласта 25… 30 градуска көтөрүлөт. Ал эми Ош, Жалал-Абад жана Баткен облустарында ысык 27…32 градустун тегерегинде болот. Термометрдин көрсөткүчү Ысык-Көлдө 21…26, Нарында 22…27 градуска жогорулайт.
Ал эми Бишкекте күндүз 28…30 градус ысык болот. Желаргы ысыкка аралжы боло албайт, синоптиктер шамал батыштан жүрүп, ылдамдыгы секундасына болгону 4-9 метрге жетерин кабарлашты.
Экинчи борбор Ош шаарында күндүзү жамгыр жаап, күн күркүрөшү күтүлүүдө. Күндү табы 30… 32ге градуска чейин жетип, аптаптуу болот.
