БИШКЕК, 27-май — Sputnik. Бразилиянын Риу-Гранди-ду-норти штатындагы абактан 91 киши качып кеткенин Telesur телеканалы билдирди.
Маалыматка ылайык, түрмөдөгүлөр таңга жуук узундугу 30-40 метрге жеткен туннелден чыгып кетишкен. Алар кармалып калбашы үчүн абактагылардын калганы баш аламандык уюштурушкан.
Коопсуздук күчтөрү качкындарды издөө боюнча аракеттерди көрүп, алардын сегизин кармаган.
Абактын жетекчилиги качып кеткендер алдын ала даярдалган машиналарга түшүп, кийимдерин алмаштырып из жашырып кеткенин маалымдады.
Аталган түрмөдөн жыл башында камакка алынган 14 киши дагы качып кеткенин жергиликтүү басылмалар жазып чыкты.
