БИШКЕК, 25-май — Sputnik. Нарын облусундагы 141 мектепте "Акыркы коңгуроо" салтанаты өткөнүн облус жетекчилигинин маалымат кызматы билдирди.
Өкмөттүн Нарын облусундагы ыйгарым укуктуу өкүлү Аманбай Кайыпов Нарын шаарындагы Арстанбек Буйлаш уулу атындагы №8 мектептеги иш-чарага катышып, окуунун алдыңкыларына ыраазычылык каттарын тапшырды.
"Мектеп — бул билим уясы. Адам келечегинин пайдубалынын түптөлүшүнө бирден бир себепчи. Андыктан, мектептерде билим сапатын көтөрүү зарыл болуп турат. Акыркы жылдары Жалпы республикалык тестирлөөгө (ЖТР) катышкан бүтүрүүчүлөрдүн ичинен 110 баллдан жогору алгандардын пайызы өсүүдө. Мисалы, 2014-жылда 30,7 пайызды түзсө, 2016-жылы 54,4 пайызга жеткен", — деди ал.
Учурда облус аймагындагы 141 мектепте 57 миң 112 окуучу билим алып, аларга 5847 мугалим таалим-тарбия берет.
Ал эми 11-классты быйыл 3 464 окуучу аяктаган.
