Аматов: Instagram тармагында колдонуучуларды көбөйтүүнүн бир топ ыкмасы бар
Instagram тармагындагы колдонуучуларды көбөйтүүнүн бир канча ыкмасы бар. Бул тууралуу IT-технолог, программист Төлөгөн Аматов Sputnik Кыргызстан радиосуна маек куруп жатып билдирди.
Анын айтымында, туура ыкманы тандоо өтө маанилүү.
"Катталгандарды көбөйтүүнүн бир канча жолу бар. Биринчиси "Клик фирма" деп аталат. Ага атайын акча төлөп, колдонуучуларды көбөйтүүгө болот. Бирок мында колдонуучулардын саны көбөйгөнү менен баары фейк. Андыктан бул ыкма жакшы натыйжа бербейт. Андан көрө автоматташтырып койсо, ошол пайдалуураак", — деди Аматов.
Адис өз алдынча кызыктуу жана сапаттуу сүрөт, видеолорду чыгаруу менен катталгандарды көбөйтүү кыйла натыйжалуу экенин баса белгиледи.
