БИШКЕК, 25-май. — Sputnik. Бишкек шаарында беш жашар бала 5-кабаттан кулап чарчап калды. Бул тууралуу ИИМдин өспүрүмдөр менен иштөө инспекциясынан билдиришти.
Маалыматка ылайык, окуя 25-май күнү болгон.
"Балдардын апасы мурун каза болуп калгандыктан атасы беш жашар баласы менен үч жаштагы кызын үйүнө жалгыз таштап кеткен. Кыз эшикке чыгып, агасы менен терезеден сүйлөшүп жатканда бала терезеден кулап, ооруканага бараткан жолдо үзүлгөн", — деп жазылат маалыматта.
Инспекция баланын атасынын күнөөсү далилденсе беш жылга чейин эркинен ажыратылышы мүмкүн экенин кошумчалады.
