БИШКЕК, 15-май. — Sputnik. Осмонкул көчөсүнүн бир бөлүгү жылуулук түтүктөрү төшөлүп жатканына байланыштуу убактылуу жабылганын Бишкек мэриясынын маалымат кызматынан билдиришти.
Бишкектин капиталдык курулуш башкармалыгынын маалыматына караганда, кыймыл Огонбаевден Чүй проспектисине чейин чектелген.
Түтүк төшөө иштерин "Кыргыз Каганат" ЖЧКсы борбор калааны 2017-2018 күз-кыш мезгилине даярдоонун алкагында аткарууда. Оңдоо 4-июнда аягына чыгат.
Шаар жетекчилиги ыңгайсыздыктар үчүн Бишкек тургундарынан кечирим сурап, унаа тыгынын алдын алуу максатында альтернативдик каттамдарды тандоону сунуштайт.
