Майдын соңунда Ала-Бука районунун 80 жылдыгы өтөт

Жазылуу
Иш-чара 23-майда Өрүктү айылдык аймагына караштуу Орток-Бел массивинде өтмөкчү.

БИШКЕК, 12-май — Sputnik. Ала-Бука районунун 80 жылдык мааракеси май айынын соңунда белгиленип, анын урматына улуттук оюндар өткөрүлүп, концерттик программа коштойт. Бул туурасында аймактык кабарчыга аталган райондук администрациядан кабарлашкан.

"Мааракенин урматына боз үйлөр тигилип, келген конокторго концерттик программалар жана театрлашкан оюн-зооктор тартууланат. Улуттук оюндар — көк бөрү, торпок улак, күлүк чабыш, кыз куумай, эр оодарыш, алыш күрөшү жана спорттук оюндардан волейбол боюнча командалык мелдештер өткөрүлөт", — деп билдиришкен аталган акимчиликтен.

Ала-Бука районунун 80 жылдык мааракесин уюштуруп өткөрүү боюнча өкмөттүн Жалал-Абад облусунун ыйгарым укуктуу өкүлүнүн атайын буйругу чыгып, уюштуруу тобу түзүлгөн.

Акимчиликтен иш-чара 23-майда Өрүктү айылдык аймагына караштуу Орток-Бел массивинде өткөрүлөрүн кошумчалашты.

Жаңылыктар түрмөгү
0