БИШКЕК, 11-май — Sputnik. Эмгектин ардагери Капас Бокбаев оорук эмгекчилеринин тизмесине кириши мүмкүн. Учурда документтер чогултулуп жатканын Sputnik Кыргызстан агенттигине ардагердин келини Махабат Тынаева билдирди.
Ал эми эмгектин ардагерине берилген открытканы жергиликтүү мектептин окуучулары даярдашкан.
Тынаева шаршемби күнү ардагерге Новопокравка айылынын башчысы келип, абалды түшүндүрүп бергенин белгиледи.
"Түшүнбөстүктөр болуп кетиптир, аны өз ара чечип алдык. Эми атамды оорук эмгекчилеринин тизмесине киргизүү боюнча документтерди беребиз, бул боюнча айыл өкмөтү менен да сүйлөштүк. Себеби ал согуш жылдарында жаш экенине карабай иштеген", — деди ал.
Эмгек ардагеринин туугандары көрсөткөн колдоо үчүн жарандарга жана социалдык тармактын колдонуучуларына ыраазычылык билдирди.
