БИШКЕК, 9-май. — Sputnik. Улуу Британияда 12-жаштагы кыз IQ-тесттин жыйынтыгы боюнча Стивен Хокинг менен Альберт Эйнштейнден ашып түштү. Бул тууралуу Sputnik Казакстан The Independent агенттигине шилтеме берүү менен жазды.
Негизи генийлик деңгээлге жетүү үчүн 140дан ары упай алыш керек. Тесттин жыйынтыгы менен Павар 162 упай топтогон. Бул 18 жашка чейинки балдар үчүн абдан чоң көрсөткүч.
Павар мындай жыйынтыгы менен белгилүү физик-теоретик Стивен Хокинг менен Альберт Эйнштейнден эки баскыч алдыга чыкты.
"Башында бир аз тынчсыздангам, бирок баары сонун болду. Ийгилик коштогонуна абдан кубанып турам", — деп окуучу кыз ой бөлүшкөн.
Тесттин жыйынтыгынан кийин Раджагури Павар Британиянын элиталык "Менса" коомуна чакыруу алды. Ал жакка дүйнөдөгү элдин 98 пайызынан интеллектуалдык деңгээли менен айырмаланып турган адамдар чакырылат.
