БИШКЕК, 6-май — Sputnik. Кыргызстандын футбол боюнча курамасы FIFA рейтингинде июнь айында төрт тепкичке түшүп, 132-орунга чыгарын football-rankings.info сайты жазып чыкты.
Кыргызстандын футбол курама командасы FIFA рейтингинде өткөн жылы апрель айында 100, октябрда 99-орунга чыгып өз тарыхында рекорд койгон. Ал эми ушул жылдын апрелинде кайра 128-орунга түшүп калган болчу.
КРдин курамасы азыркы божомолго ылайык рейтингде төрт сапка түшүп, 233 упай менен 132-орунга туш келет.
FIFA рейтинги 1-июнда жаңыланат. Анда соңку жылдардагы оюндардын жыйынтыгы боюнча рейтинг чыгарылат.
