БИШКЕК, 7-май. — Sputnik. Түндө Бишкекте бир учурда беш автоунаа жол кырсыгына кабылды. Бул тууралуу күбө Sputnik Кыргызстан агенттигине билдирди.
Анын айтымында, жол кырсыгы Некрасов менен Лев Толстой көчөлөрүнүн кесилишинде саат 23:00дө катталган.
"Мен өтүп баратып, бетме-бет кагышкан BMW 3 менен Honda Stepwgn машиналарын көрдүм. Алардын жанында такси, бус жана дагы бир жеңил унаа турган. Алар дагы жабыркаптыр", — деди күбө.
Бишкек ШИИБдин Кайгуул милиция башкармалыгы жол кырсыгы болгонун тастыктады. Ал эми Тез жардам кызматы аталган дарек боюнча чакыруу түшпөгөнүн билдирди.
