БИШКЕК, 2-май. — Sputnik. Аалымдар кеңешинин төрагасы Абдышүкүр ажы Нарматов жана аалымдар кеңешинин мүчөсү Чубак ажы Жалилов Санкт-Петербург шаарындагы мигранттар менен жолугуп, баян курушту. Бул тууралуу Чубак ажы Жалилов Facebook социалдык тармагына жазып, баян учурундагы видеосун жүктөдү.
Андагы маалыматка ылайык, жолугушуу Санкт-Петербург шаарындагы мечиттердин биринде болуп, ага беш миңге жакын адам келген.
Жолугушуу учурунда аалымдар мигранттардын турмуштук суроолоруна жооп берип, ислам боюнча баян кылышкан.
Белгилей кетсек, аалымдар менен жолугушуу учурунда Өзгөндөгү жер көчкүдөн жабыркагандарга каражат чогултулган.
