БИШКЕК, 26-апр. — Sputnik. "Репортеры без границ" эл аралык уюмунун 2017-жылга карата жалпыга маалымдоо каражаттарынын (Worldwide Press Freedom Index) эркиндиги боюнча түзүлгөн индексте Кыргызстан адаттагыдай эле Борбор Азия мамлекеттеринин арасында алдыда турганы менен бир нече позициясын жоготкон.
Жыл сайын укук коргоо уюмунун адистери тарабынан түзүлүп келген рейтинг бүгүн уюмдун расмий сайтына жарыяланды.
Ал эми Кыргызстандын коңшулары 140тан 170ке чейинки орундарды ээлеген. Тажикстан бир позициясын жоготуп, 149-орунду ээлесе, Казакстан үч тепкичке алдыга жылып, 157-орунду алды. Ал эми Өзбекстан, тескерисинче, үч позицияга артка кетип, 169-орунга жайгашты.
Рейтингде дүйнөнүн 180 мамлекетине баа берилген. Жалпы эсеп боюнча биринчи орунда Норвегия, экинчиде Швеция турат. Өткөн жылдын лидери Финляндия үчүнчү орунду алды.
Оор кырдаалда Сирия (177), Түркмөнстан (178), Эритрея (179) жана Түндүк Кореянын (180) журналисттери калганы аныкталган.
