БИШКЕК, 25-апр. — Sputnik. Бишкекте системалык администратор болуп иштеген Рысбек Курманов интеллектуалдардын "Что? Где? Когда?" акыл сынагына катышып, 80 миң рубль утуп алды.
Жазгы сериянын төртүнчү оюнун Россиянын Биринчи каналы Youtube сайтына жарыялады.
Бишкек шаарынын тургуну оюндун катышуучуларына (видеодон 43 мүнөт 30 секундда көрсөңүз болот — ред.) мындай суроо берген: "О ком испанский писатель Рамон Гомес де ла Серна сказал "Она похожа на мечущуюся в поисках сердца стрелу".
18 Чын Куран 2017, 15:51
Варианттарынын арасында чымын, компастын жебеси, кардиограмма, помада деген жооптор болгон. Катышуучулардын бири Алена Повышева берилген убакыт аяктагандан кийин акыркы жоопту — аябай берилип бийлеген аял деп туура эмес жооп берген.
Программанын алып баруучусу туура жооп — чабалекей экенин айткан. Бишкек шаарынын тургуну берген суроосу үчүн 80 миң рубль алат.
