БИШКЕК, 24-апр. — Sputnik. Шейшемби күнү Кыргызстан боюнча жаан-чачын күтүлбөйт деп билдирди Кыргызгидромет.
Чүй аймагында абанын табы 30 градустан ашат. Таласта салкыныраак тартып, андан эки градуска төмөн, ал эми Ысык-Көлдө күндүн көзү ачык болуп, абанын температурасы 20дан жогорулайт.
Кыргызгидрометтин маалыматына таянсак, Чүй менен Нарындагы 10 градуска айырма болот экен.
Тоолуу Нарын дубанында аба күндүзү 20 градуска жылыйт.
Маалыматта ал эми Ош, Жалал-Абад жана Баткенде күн ысып, 30дан өйдө көтөрүлөрү айтылды.
Ал эми Бишкек менен Ош шаарларында күн ысып, 28…30 градустун тегерегинде болот.
