Карыбаева: алып баруучунун иши жеңил дегендер жаңылышат
Алып баруучулардын иши сырттан карагандарга жеңил көрүнгөнү менен түйшүгү бир топ экенин Sputnik Кыргызстан агенттигине коомдук биринчи каналдын жаңылыктар бөлүмүнүн диктору Гүлзат Карыбаева айтып берди.
"Түз эфир деген түз эфир, кээде техника иштебей калат же дагы бир нерсе болот. Эфирде жаңылык окуп жатканда чукул кабарлар түшүп калат. Мындай учурда маалымат менен алдын ала тааныша албайсың, шыр окуп кетүү менен маалыматты элге жеткире билүү зарыл", — деди Карыбаева.
Диктор иштин түмөн-түйшүгүнө карабастан кесибин жакшы көрөрүн кошумчалады.
