БИШКЕК, 21-апр. — Sputnik. Россия ИИМи "Сенная площадь" жана "Технологический институт" метро станцияларынын ортосунда болгон терактыга шектелип жаткан Акбаржон Жалиловдун Россия жарандыгын жокко чыгаргандыгы тууралуу маалыматты жарыялады.
"Жалилов А.К. (Ред.: Акбаржон Жалиловдун атасы) жарандык сураган кайрылуусунда аялы жана баласы бар экендигин жашырып койгон. Буга байланыштуу ага берилген Россия жарандыгы кайра кайтарылып алынды. Акбаржондун атасына жарандык 2009-жылдын 18-июнунда Санкт-Петербург жана Ленинград облусу боюнча федералдык миграция кызматы тарабынан берилген», — деп айтылат маалыматта.
Белгилей кетсек, 3-апрелде "Сенная площадь" жана "Технологический институт" метро станцияларынын ортосунда жардыруу болгон. Акыркы маалыматтарга ылайык, 15 киши каза болуп, элүүдөй киши түрдүү жаракаттарды алган. Бул фактынын негизинде Россиянын Тергөө комитети теракт боюнча кылмыш ишин козгоду. Жардыруу жасады деп Россиянын 22 жаштагы тургуну шектелип, анын Кыргызстандын Ош облусунда төрөлгөнүн УКМК ырастаган.
