БИШКЕК, 14-апр. — Sputnik. Россия президенти Владимир Путин Бишкектеги Евразиялык экономикалык жогорку кеңештин жыйынында ЕАЭБ ыңгайлуу аянтча болуп калгандыгын билдирди.
Анын айтымында, биримдиктин курамына кирген өлкөлөр экономикалык операторлор үчүн ири рынок түзүүдө жетишкендиктерди көрсөтө алды.
Россия лидеринин айтымында, биримдик бардык мамлекеттерге пайдасын алып келүүдө. Мисалы, Кыргызстанда жеңил өнөр жай жана текстилдик өндүрүштү калыбына келтирүүгө шарттар түзүлдү.
Ошондой эле инвестициялык демилгелерди ишке ашыруу менен ЕАЭБдин каржылык туруктуулугуна салым кошуп жаткан Евразия өнүгүү банкынын ролу чоң экени кошумчаланды.
"Мисалы, жакында эле Кыргызстан менен 110 миллион долларлык келишимге кол коюлду", — деди Путин.
Саммиттин аягына чейин ондон ашык документке кол коюлары күтүлүүдө.
