БИШКЕК, 11-мар. — Sputnik. Ош шаарынын вице-мери Нурбек Кадыров менен ЮНИСЕФтин Кыргызстандагы өкүлү Юкиэ Мокуо жолугушкандыгы тууралуу Ош шаардык мэриясынын маалымат кызматынан кабарлашты.
Билдирмеге караганда, эки тарап аткарыла турган долбоорлор жана баасы 2,5 миллион сомду түзгөн өпкөнү жасалма түрдө дем алдыруучу аппарат менен Ош шаардык балдар клиникалык ооруканасына оксигенаторду (канды кислород менен камсыздоочу каражат) өткөрүп берүү иштерин талкуулашкан.
Вице-мэр аталган медициналык жабдуулар үчүн Мокуого ыраазычылык билдирип, көптөгөн адамдын өмүрүн сактап калууга болорун билдирген.
Жолугушуунун акырында тараптар аталган медициналык жабдууларды Ош шаардык балдар клиникалык ооруканасына өткөрүү иш-чарасына катышты.
