БИШКЕК, 9-апр. — Sputnik. Болгариядагы эл аралык турнирде кыргызстандык балбандар үч медалга ээ болушту. Бул тууралуу өлкөнүн Күрөш федерациясынан кабарлашты.
Маалыматка ылайык, грек-рим күрөшү боюнча "Dan Kolov & Nikola Petrov" эл аралык турнири 8-апрелде Болгарияда башталган. Анда кыргызстандык Руслан Царёв менен Узур Жузупбеков күмүш жана Нургазы Асангулов коло медаль тагынышты.
Аталган мелдешке өлкө намысын коргоого 13 спортчу катышууда, турнир 9-апрелде жыйынтыкталат.
