БИШКЕК, 9-апр. — Sputnik. Үйүндө бир же андан көп ити бар үй-бөлүнүн балдары ашыкча салмактан жана аллергиядан көп жапа чекпей турганын окумуштуулар анышташты. Бул тууралуу РИА Новости агенттиги Microbiome илимий журналына таянуу менен жазды.
Маалыматка ылайык, үй жаныбарлары балдардын микрофлорасы үчүн керектүү болгон бактерияларды алып жүрөт.
Адам абдан эле таза шартта жашагандыктан аллергия менен ооруй турганын окумуштуулар белгилешет. Кичинекей кезде адамдын денеси аллергияны козгоочу нерселерге каршы тура албай, иммундук система аларды айырмалоо жөндөмдүүлүгүн жакшы өрчүтпөйт. Андыктан окумуштуулар кишинин иммундук системасын жаштайынан жакшыртуу үчүн балдарды кумда ойнотуп, үй-жаныбарлары менен тааныштыруу зарылдыгын белгилешет.
Учурда окумуштуулардын мындай божомолу дагы тереңдеп изилденүүдө.
