Жээнбеков: эки жылдан кийин Кыргызстан транзиттик өлкөгө айланат

Кыргызстан эки жылдын аралыгында Борбор Азия чөлкөмүндөгү транзиттик мамлекетке айланат. Бул тууралуу премьер-министр Сооронбай Жээнбеков "Ош" эл аралык аэропортунун жаңыланган аэробекеттинин ачылышында сүйлөп жатып билдирди.

Анын айтымында, Ош шаары илгертеден эле Орто Азиядагы өлкөлөрдүн социалдык-экономикалык өнүгүшүнө чоң таасир тийгизип келген.

"Ушул мүмкүнчүлүктү пайдаланып коңшу мамлекеттерге өтчү жолдорду иретке келтирсек, эки жылдан кийин Кыргызстан толугу менен транзисттик өлкө болот. Бишкек менен Ош эле эмес, Кыргызстандын башка шаарларында жайгашкан аэропортторго да акча бөлүп, заманбап шарттарды түзүшүбүз зарыл", — деди өкмөт башчы.

Жээнбеков өз сөзүндө "Тамчы" эл аралык аэропортун мисал келтирди.