БИШКЕК, 28-мар. — Sputnik. Жогорку чыңалуудагы линияда болгон авариядан улам Бишкектин бир катар кичирайондорунда жарык жок экенин “Түндүкэлектр” ишканасынын Сall-борбору маалымдады.
Буга чейин соцтармактагылар 10-кичирайондо бир нече сааттан бери жарык жок экенин айтып нааразы болушкан.
“Учурда авария болгон жерде адистер иштеп жатат. Азырынча анын себептери белгисиз”, — дешти ишканадан.
Сall-борбордун маалыматы боюнча калаадагы 10, 11 жана 6-кичирайондордо жарык жок.
