Мындан сырткары, Кыргызстан менен Россиянын гуманитардык кызматташтыгын чагылдырган бир топ архивдик сүрөттөр да коюлган.
Кыргызстандагы Россиянын элчиси Андрей Крутько Улуттук китепканада 7 миллионго чукул китеп сакталып турганын айтып, Москвадагы Ленин китепканасында да ушул сыяктуу уникалдуу байлык бар экенин кошумчалады.
"Бул фонддун уникалдуулугу — Кыргызстанда жана аймактарда китеп чогултуп аны сактоого көп жумуш жумшалып жаткандыгында", — деди элчи.
Ал эми Алыкул Осмонов атындагы Улуттук китепкананын жетекчиси Жылдыз Бакашева эки өлкөнүн китепканалары да тыгыз кызматташып келе жатканын баса белгиледи. Ошондой эле ал дипломатка ар тараптан колдоо көрсөткөндүгү үчүн ыраазычылык билдирип, кызматташуу мындан ары да өнүгө беришин каалап кетти.
