БИШКЕК, 16-мар. — Sputnik. Германиялыктар (36%) менен италиялыктардын (34%) үчтөн бир бөлүгү Крымды Россиянын бир бөлүгү деп эсептей турганын Sputnik.Пикирлер сурамжылоосу аныктады. Ушундай эле пикирди британиялыктардын 26 пайызы, америкалыктардын 23 пайызы жана сурамжылоого катышкан француздардын 20 пайызы билдирген.
Сурамжылоо Sputnik маалымат агенттиги жана радиосу үчүн TNS Global компаниясы тарабынан жүргүзүлгөн.
Крым Россиянын бир бөлүгү дегендердин көбү немистер, анын ичинен мындай пикирди жаштар айтышууда. Францияда, тескерисинче, бул ойду орто жаштагы адамдар колдойт.
Мында америкалыктардын 51 пайызы, француздардын 48 пайызы, британиялыктардын 44, италиялыктардын 34 жана немистердин 23 пайызы Крымдын кимге таандык экенин аныктай албай кыйналышкан.
Сурамжылоо 2017-жылдын 16-22-февраль аралыгында TNS Global аттуу ири эл аралык компания тарабынан жүргүзүлгөн. Ага Франция, Германия, Улуу Британия жана АКШдан 5138 адам катышкан.
Sputnik.Пикир долбоору тууралуу маалымат
Sputnik (sputniknews.com) – ондогон өлкөдө жайгашкан мультимедиалык маалымат хабдары бар маалымат агенттиги жана радиосу. Sputnik өзүнө 30 тилден ашуун жазылган сайттарды, аналогдук жана санарип радиоберүү, мобилдик тиркеме жана социалдык тармактардагы баракчаларды камтыйт. Sputnik агенттигинин жаңылык түрмөгү күнү-түнү англис, испан жана кытай тилдеринде жарык көрөт.
