БИШКЕК, 15-мар. — Sputnik. Көз карандасыз шериктеш мамлекеттердин жарандык авиация боюнча өлкөлөр аралык келишиминде авиакырсыктар боюнча рекорд коюлду. Бул туурасында Мамлекеттер аралык авиация комитети (МАК) билдирди.
Жалпы авиацияда 35 окуя катталса, анын 17си адам өмүрүн алган кырсык болгон. Мындан 30 киши каза тапкан.
"МАКтын 25 жылдык ишмердүүлүгүнөн бери 2016-жылы авиакырсыктар (63) жана аны иликтөөлөр боюнча кайгылуу "рекорд" койду. Акыркы жылдары коммерциялык учуулардын коопсуздугу жакшырып келе жаткан тенденция зыянга учурады", — деп айтылат МАКтын тараткан билдирүүсүндө.
Алдын ала маалыматтар боюнча 2016-жылы абадагы кырсыктардын 94 пайызы "адамдык факторлордон" улам болгон.
Жалпы авиацияда эски, мөөнөтү бүткөн же сертификаты жок учактарды колдонуу дагы деле уланууда. Катталган аба кемелерине, жеке тараптардын абага көтөрүлүүсүнүн мыйзамдуулугуна көзөмөл кылган Жарандык авиациянын иши майнапсыз жана жетишсиз болууда. Жалпы учуулардын саны жана сапаты боюнча статистикалык маалыматтар менен мурдагыдай эле камсыз болбогондук авиациянын бул сегментиндеги коопсуздук деңгээлин аныктоону кыйындатып келет.
"2016-жылдагы жана андан мурдагы убакыттагы авиациялык кырсыктар изилденгенден кийин анализдер жасалып, Отчетто аталган макулдашуунун авиациялык администрациянын жетекчилерине бериле турган сунуштар жазылды. Бул учуулардын коопсуз болуусун жогорулатууга багытталган", — деп айтылат маалыматта.
МАК берилген 23 сунуштун көбү экинчи ирет айтылса, алардын бир катарлары бир топ жылдан бери эле берилип келгенин билдирген.
Учурда МАК бул кырсыктын себебин изилдеп жатат.
КМШнын 12 өлкөсү жарандык авиация жана аба транспортун колдонуу боюнча мамлекеттер аралык келишимге кол койгон.
