БИШКЕК, 12-мар. — Sputnik. Мадриддик "Реал" футбол клубунун жылдызы Криштиану Роналду экинчи ирет балалуу болгону жатат. Бул ирет ал эгиз балдарды күтүүүдө. Бул туурасында РИА Новости The Sun басылмасына шилтеме берүү менен жазып чыкты.
Маалыматка ылайык, анын балдарын жакынкы күндөрү АКШнын батыш жээгинде жашаган карын эне төрөп берет. Роналду жакындарына эгиз балдары жарык дүйнөгө келери менен Испаниянын баш калаасындагы хан сарайына көчүрүп келерин айткан.
"Роналду үй-бүлөсүнүн жаңы мүчөлөрүн чыдамсыздык менен күтүп жатат. Ал жеке жашоосун жашырууга аракет кылганы менен жакын досторуна саналуу күндөрдөн кийин эгиз балдары төрөлөрүн айткан", — деп жашыруун булактар жазган.
Белгилей кетсек, футболчунун учурда алты жаштагы уулу бар, аны дагы карын эне төрөп берген.
