Чолпон Султанбекова: балдарга бөлүнгөн акчалар дарегине түз жетиши керек
Социалдык көйгөйлөргө бөлүнгөн акча дарегине түз жетиши кероек. Бул тууралуу вице-премьер Чолпон Султанбекова Ысык-Көл жана Нарын облустарына болгон иш сапарынын алкагында майып жана жетим балдар үйлөрү менен танышуу учурунда билдирди.
"Өкмөт социалдык саясат боюнча иш алып барууда. Бүгүнкү күндө мамлекет тарабынан балдар үчүн бөлүнгөн акчалар түз жетип, жетим балдар үйлөрү жабылып, андагы балдар жакындары менен чогуу жашашы керек", — деди Султанбекова.
Андан сырткары, ал мүмкүнчүлүгү чектелген балдар боюнча жаңы программа иштелип, алардын ата-энесине эмгек акы төлөп берүү маселеси каралып жаткандыгын кошумчалады.
