БИШКЕК, 5-мар. — Sputnik. Бүгүн Бишкек шаарында Comedy Баттл боюнча фестиваль болот. Анда таланттар ТНТ каналынын "Открытый микрофон" жана Comedy Баттл теледолбоорлоруна катышуу үчүн күч сынашат. Бул тууралуу Sputnik Кыргызстан агенттигине уюштуруучулардын бири Аким Карасаев билдирди.
19 Бирдин айы 2017, 13:03
Анын айтымында, иш-чара Тунгучтагы Concert Hall залында, саат 18:00дө башталат. Ал эми кастинг 2-марттан бери өтүүдө.
Фестивалга "Жарайт Сити" долбоорунун резиденти Шамиль Фаттахов, 1.1 Studio Production командасынан Илгиз Кубатбек, Эрлан Абдраимов, Элдияр Ешимбеков жана Мыктыбек Мукаев катышат.
Карасаев кастингге 40га чукул адам катышкандыгын кошумчалады.
