БИШКЕК, 4-мар. — Sputnik. Ош облусунда дин кызматкерлерине 5400 даана дин китептер таратылды. Бул тууралуу муфтияттан билдирди.
Маалыматка ылайык, аталган китептер өкмөттүн Ош облусундагы ыйгарым укуктуу өкүлчүлүгүнүн аппараты жана Ош облусунун мусулмандар казыяты менен биргеликте өткөргөн "Ыймандан дилим тазарат" аттуу жыйынга катышкан 400дөн ашык мечит имамдарына, мамлекеттик жана жергиликтүү өз алдынча башкаруу органдарынын жетекчилерине жана коомдук уюмдардын өкүлдөрүнө таратылды.
Мындан сырткары, Ош облустук казыяты тарабынан даярдалган "Ыйман, адеп жана маданият" темасындагы 600 даана атайын колдонмо баракча тапшырылды.
