БИШКЕК, 3-мар. — Sputnik. Тилектеш Исаевдин мандаты Канат Керезбековго берилди. Бул тууралуу Sputnik Кыргызстан агенттигине БШКдан билдирди.
Эске сала кетсек, буга чейин КСДПчы депутат Тилектеш Исаев өз ыктыяры менен мандатын тапшырган. Керезбеков менен байланышканыбызда Нарындан келе жатканын айтып, кечирээк маалымат берерин кошумчалады.
Канат Керезбеков буга чейин Кыргыз мамлекеттик юридикалык академиясын башкарып келген.
Белгилей кетсек, КСДПнын тизмесинде Керезбековдон кийинки орунда президенттин мурдагы кеңешчиси Икрамжан Илмиянов турат.
