БИШКЕК, 3-мар. — Sputnik. Америка Кошмо Штатынын жаңы дайындалган ички иштер министри Райан Зинке биринчи жумушчу күнү ковбойдун кийимин кийип, ат минип келип бардыгын таң калдырганын NBC News телеканалы билдирди.
Монтана штатынан республикачыл конгрессмен ИИМдин башчылыгына Сенат тарабынан 1-мартта дайындалган. Зинке ант берип жатып Аляскадан газ жана нефтини алуу боюнча Обама киргизген чектөөлөрдү кайра карап көрүүгө сөз берди.
"АКШнын Улуттук парктар кызматынын баатыр офицерлери менен бир катарда туруу мен үчүн сыймык. Кесипкөй адистер жумушу үчүн керек болсо өмүрүн берүүгө даяр. Мени жылуу кабыл алганыңарга ыраазымын", — деп ал өзүнүн Twitter баракчасына жазды.
Humbled by the warm welcome at @Interior this morning pic.twitter.com/1zCvKc0CPL
— Secretary Ryan Zinke (@SecretaryZinke) 2 марта 2017 г.
Американын ички иштер министрлиги башка мамлекеттин министрликтеринен айырмаланып укуктук тартипке жооп бербестен, федералдык өкмөттүн карамагындагы жаратылыш ресурстары, жер байлыктарын башкаруу үчүн жооп берет.
