БИШКЕК, 2-мар. — Sputnik. Кытайдын Хэбей провинциясында аял уулдуу болгондон кийин бир жумадан соң эгиз кыз төрөдү. Бул тууралуу РИА Новости China News Service басылмасына шилтеме берүү менен билдирди.
Окуя Ичан шаарында болгон. Аял турмушка 2012-жылы чыкканын айтып, андан бери балалуу боло албай жүргөнүн билдирген. 2016-жылы Ухан шаарында дарылануудан өтүп, үч эм боюнда болгон.
Маалыматка ылайык, аял 21-февралда 1,44 килограмм салмактагы уул төрөгөн, бирок толгоосу жанып кеткен. Акушер күтүп турууну сунуштап, 27-февралда ал эгиз кыздарды жарык дүйнөгө алып келген.
"Боюма бүтпөй жүргөн учурда бала тууралуу аябай кыялдангам. Эми үч эм төрөп абдан кубанып жатам", — деп өзүнүн сезимдери менен бөлүшкөн.
Учурда ымыркайлар кайра жандандыруу бөлүмүндө дарыгердин көзөмөлүндө турат.
