БИШКЕК, 28-фев. — Sputnik. Россия интеграция шарттарында Кыргызстандын экономикасына жардам берерин Владимир Путин бүгүнкү иш сапардын алкагында кеңейтилген жыйында билдирди.
Белгилей кетсек, Россия лидери Путин расмий иш сапар менен Кыргызстанда жүрөт.
Путин өз сөзүндө Кыргызстанда абал турукташкандыгын белгиледи.
"Өлкөдөгү демократиялык жараян өнүгүп жатканына кубанычтабыз. Биримдикке кирүү оңой болгон жок. Президент (Атамбаев — ред.) Кыргызстандын кызыкчылыгын жактады. Бардык тараптарга жаккыдай келишим түзүлдү", — деди Россиянын президенти.
Путин ошондой эле ЕАЭБге быйыл Кыргызстан төрагалык кыларын маалымдады.
