БИШКЕК, 27-фев. — Sputnik. Кыргызстандын "Апамды издеп" комедиясы Казакстандагы кинопрокатта 140 миллион тенге чогулта алгандыгын brod.kz сайты жазды.
Маалыматка караганда, ал өткөн жумада Оскар-2017 сыйлыгына талапкер болуп алдыда келаткан "Лев" тасмасын артта калтырды. Ошондой эле "На пятьдесят оттенков темнее", "Лего фильм: Бэтмен", "Обитель зла: Последняя глава" тасмалары дагы Руслан Акундун фильмине жете алган жок.
Кыргызстан, Казакстан жана АКШ биргелешип тарткан тасма алгачкы жумада эле жалпысынан 140,069 миллион тенге чогулта алды.
Анын режиссеру Руслан Акунга "Салам, New York" жана "Я люблю тебя, Бишкек" комедиялары таандык. Ал эми казак актеру Тауекел Мусилим үчүн "Апамды издеп" тасмасы чоң кинодогу алгачкы роль болду. Долбоордун басымдуу бөлүгү Лос-Анджелес шаарында тартылган.
