БИШКЕК, 22-фев. — Sputnik. Жогорку Кеңештин депутаттары жарандардын ар кандай аракеттерине тыюу салып жазаны күчөтүү боюнча административдик кодекске өзгөртүү киргизүү боюнча мыйзам долбоорду коомдук талкууга алып чыгышты.
Парламентарийлер төмөнкү өзгөртүүлөрдү сунуштап жатат:
- унаада кетип баратып жолго таштанды ыргыткандарга 10 миң сом айып пул салуу (144 доллар);
15 Бирдин айы 2017, 17:42
ири иш-чаралардын уюштуруучуларын биоажаткана орнотууга милдеттендирүү. Мыйзам бузгандарга 10 миң сом айып пул салуу. Жеке жактарга — 20 миң сом (288 доллар), юридикалык жактарга — 100 миң сом (1500 доллар) каралган;
аткаруучу органдын жергиликтүү башкармалыгынын имаратынын тегереги жыйналбаган болсо анын жетекчисине 20 миң сом айып салынат;
таштандыны өрттөгөндөргө 10 миң сом айып пул же 40 сааттык көчө тазалоо иштерине тартуу. Мындай аракетти кайра кайталаган жарандарга 30 миң сом айып пул салуу (434 доллар);
эгер айып пулду милиция сала турган болсо алынган сумманын 10 пайызы участкалык инспекторлорго, 20 пайызы Ички иштер бөлүмүнүн материалдык абалын жакшыртууга берилет.
"Европа жана чыгыш Азиядагы мамлекеттерде мындай мыйзам колдонулуп жакшы жыйынтыктарды берип келет. Мисалы Сингапурда жөнөкөй кагазды жолго таштап кеткендер мамлекеттик казынага 300дөн 1000 долларга чейин айып пул төлөшөт", — деп мыйзам долбоордун негиздеме катына жазылган.
Документ коомдук талкууга 21-февралда чыгарылып, ал бир айга созулат. Андан кийин депутаттардын кароосуна жөнөтүлөт.
