БИШКЕК, 20-фев. — Sputnik. КМШнын Мамлекеттер аралык авиация комитети Дача айылына Boeing 747 учагы кулаган учурда аба ырайы кандай болгону боюнча маалыматтарды жарыялады.
Белгилей кетсек, 16-январда "Манас" аэропортуна жакын жердеги Дача айылына Boeing 747 учагы кулап, 39 кишинин өмүрүн алган. Анын ичинде экипаждын 4 мүчөсү да болгон.
Комитеттин маалыматына ылайык, кырсык болор күнү "Манас" аэродромундагы аба ырайы төмөндөгүдөй болгон.
- Шамалдын ылдамдыгы — секундасына бир метр;
- Алды жактан — 100 метр, жогору карай — 50 метр жер жакшы көрүнгөн;
- Учуп-конуу тилкеси 350-400 метрге чейин так көрүнгөн;
- Абанын температурасы — 9 градус суук;
- Туман каптап турган.
МАК иликтөө иштерин улантууда. Документтер иликтенип, учактын "кара ящигиндеги" маалыматтар окулуп жатат.
Алдан ала отчет түрк тараптын түшүндүрмөсү алынгандан кийин жарыяланат.
