БИШКЕК, 17-фев. — Sputnik. Рига шаарынын эл аралык аэропортунан россиялык хоккейчилерди салган учак учуу тилкесинин тайгаланып кеткенин Sputnik Латвия агенттиги жазды.
Маалыматка караганда, учак Уфа шаарынын Vim Airlines авиакомпаниясына тиешелүү. Анын бортунда Континенталдык хоккей лигасынын (КХЛ) алкагында Риганын "Динамо" командасы менен беттешип, 2:1 эсеби менен утулуп калган "Лада" (Тольятти) командасы болгон.
Клубдун оюнчулары Глеб Корягин, Илья Ежов жана Антон Шенфельд өздөрүнүн Instagram баракчасына учактын учуу тилкесинде турган видеосун жүктөштү.
Учактын ичиндеги 43 жүргүнчү менен экипаждын жети мүчөсүнүн эч кимиси жабыркаган эмес. Учак болсо токтоочу жайга жеткирилди. Учуу тилкеси убактылуу жабылып, техникалык кароодон өткөрүлүп жатат.
Рига аэропортунун сайтындагы маалыматка караганда саат 11:54төн бери бир дагы учак аталган аба майданына коно элек, ал эми акыркы учак 11:32ду учуп кеткен.
Бактыга жараша, "Лада" командасынын оюнчулары ярославдык "Локомотив" командасынын тагдырын кайталаган жок. 2011-жылдын 7-сентябрында Ярославль шаарында жерлигиктүү хоккейчилерди алып бараткан учак кыйроого учураган.
