БИШКЕК, 16-фев. — Sputnik. Кыргызстандык теннисчи Данияр Дулдаев Түркиянын Анталья шаарында өтө турган GD Tennis Cup деп аталган турнирге катышат. Бул тууралуу Эл аралык теннис федерациясынын расмий сайтында маалымдалган.
Билдирүүгө ылайык, мелдеш 20-февралда башталып 26-февралга чейин созулат.
"18 теннисчи негизги тордо ойношсо, Дулдаевди кошкондо 54 спортчу квалификациялык бөлүктө ат салышат. Кыргызстандык теннисчинин атаандашы азырынча белгисиз", — деп жазылат маалыматта.
Турнирдин байге фонду 15 миң долларды түзөт.
