БИШКЕК, 15-фев. — Sputnik. Президент Алмазбек Атамбаев бүгүн, 15-февралда жумушчу визит менен Бельгия Королдугуна учуп кеткенин өлкө башчынын маалымат кызматы билдирди.
Сапардын алкагында мамлекет башчысы Бельгия Королу Филипп, Европа биримдигинин төрагасы Дональд Туск, Европалык комиссиянын төрагасы Жан-Клод Юнкер, Европа Биримдигинин тышкы иштер жана коопсуздук саясаты боюнча жогорку өкүлү Фредерик Могерини менен эки тараптуу жолугушууларды өткөрөт.
"Анын жыйынтыгы менен Кыргызстан жана Европа биримдиги ортосундагы негизги багыттар боюнча кызматташтыкты тереӊдетүүгө багытталган эки тараптуу документтерге кол коюу белгиленген", — деп айтылат маалыматта.
Конференция учурунда президент Германиянын федералдык канцлери Ангела Меркель менен жолугат. Эки өлкө башчы Кыргызстан менен Германия ортосундагы алака-катыштардын маанилүү маселелерин талкуулап, региондук жана эл аралык күн тартибинин маселелери боюнча ой-пикир алышмакчы.
