Кубан Таабалдиев: Атамбаев кеминде эле эки өлкөгө барат
Президент Алмазбек Атамбаев алдыдагы иш сапарынын учурунда кеминде эле эки өлкөгө барат. Бул тууралуу Sputnik Кыргызстан агенттигине серепчи Кубан Таабалдиев билдирди.
"Биринчиси Евробиримдиктин баш кеңсеси жайгашкан Брюсселге болсо, андан соң Германияга да барат. Менин оюмча Евробиримдик менен сүйлөшүүлөрдүн негизин буга чейинки эки жолку сапары түзөт. Анда макулдашылган долбоорлордун аткарылышы айтылып, сүйлөшүүлөрдүн экинчи трансы ачылат. Жолугушууда кайтарымсыз акча алуу маселелери талкууланат", — деди эксперт.
Ал ЕБ Кыргызстандагы сот реформасына колдоо көрсөтүүгө көңүл буруп жаткандыгын, бул жаатта дагы сүйлөшүүлөр болорун кошумчалады.
