Японияга жааган бир метрге чукул кар коомдук транспорттун кыймылын бууп салды

БИШКЕК, 12-фев. — Sputnik. Япон деңизи менен Тынч океандын жээгине — өлкөнүн батышына жааган кар 91 сантиметрге жетип, транспорт кыймылын кыйындатты. Бул туурасында РИА Новости NHK телеканалына шилтеме кылып кабарлады. 

Тоттори префектурасында жааган кар 91 сантиметрге жетип, адаттагысынан 10 эсеге көп түшкөн. Синоптиктер кар муну менен токтоп калбай тургандыгын айтууда.

Аталган аймакта кардан улам кулаган бак электр поездинин жолун тороп калган. Аны эртең менен сүйрөп чыгарганы менен электричка калың кардан улам 300 метрден ары узай алган эмес. Жүргүнчүлөргө ысык тамак жеткирилип, темир жол ишканасы талаада түнөп калган жүргүнчүлөрдү ташып келүүнү уюштурууда.

Ушул эле префектуранын дагы бир аймагында жүк ташыган ири автоунаа карга сайылып калып, артындагылары төрт саат акыйып күтүп отурушкан. Мындан сырткары, Сидзуока префектурасындагы жол кырсыгынан алты алам ооруканага түшкөн.

Ал эми Хёго перефектурасында кардын калыңдыгы 71 сантиметр болуп, япондордун ары-бери каттамы катталданды. Мындан сырткары Фукуи, Киото аймактарында да абал ушундай. Бул күндөрү сууктан үшүп-шишиген япондордун көбү калың карды сүйбөй турган кези.