БИШКЕК, 11-фев. — Sputnik. Жекшемби күнү өлкөнүн көпчүлүк аймактарында кар жаашы күтүлөт. Бул тууралуу Кыргызгидромет билдирди.
Ага ылайык, 12-февралда Бишкек менен Ош шаарларында ала булут каптап, кечкисин кар жаашы мүмкүн. Жолдор тайгак болуп, шамалдын ылдамдыгы секундасына 2-7 метрге чейин жетет.
Нарын облусунун айрым райондорунда кар жаап, абанын температурасы күндүзү 9…14, кечкисин 16…21 градус суук болот. Ысык-Көлдүн айрым райондорунда дагы кар жаайт. Абанын температурасы кечкисин сегиз градуска чейин суук болсо, күндүзү төрт градуска чейин жылуу болот,
Ошондой эле Ош, Жалал-Абад жана Баткен облустарында абанын температурасы түнкүсүн 7 градуска чейин төмөндөсө, күндүз беш градуска чейин жылуу болот.
