БИШКЕК, 10-фев. — Sputnik. АКШ президентинин аппараты Дональд Трамптын чет элдик лидерлер менен сүйлөшкөнү боюнча маалыматтар кантип ЖМКларга тарап кеткени боюнча абалды иликтей турганын Ак үйдүн расмий өкүлү Шон Спайсер билдиргенин РИА Новости маалымдады.
"Биз абалды иликтеп жатабыз. Бул тынчсыздана турган абал", — деп Спайсер билдирген.
Ошондой эле чыгып кеткен айрым маалыматтар эрежелер менен мыйзамдарды да бузарын ал баса белгилеген. Ак үйдүн расмий өкүлү кандай иликтөө жүргүзүлүп жатканын так айткан жок. Ошол эле учурда түзүлгөн кырдаал боюнча мамлекет башчысы да кабатыр болуп жатканын ал айтты.
"Албетте, ал (президент – ред.)" тынчсызданууда. Анын сүйлөшкөндөрү сыр бойдон калбастан, сыртка чыгып жатышы кооптонууну жаратат", — деди ал.
Ошондой эле ЖМКлар Трамп Австралиянын премьер-министри жана Мексиканын президенттери менен катуу сүйлөшкөнүн жазып чыгышкан. Бирок, бул маалыматтарды АКШ президентинин администрациясы кийин төгүнгө чыгарган.
