БИШКЕК, 9-фев. — Sputnik. Эртең, 10-февраль күнү Кыргызстандын айрым аймактарында түнкүсүн кар жаай турганын Кыргызгидромет билдирди.
Маалыматка ылайык, жолдор тайгак болуп, батыштан соккон шамалдын ылдамдыгы секундасына 4-9 метрге чейин жетет.
Бишкекте түнкүсүн азыраак кар жаап, күндүз жаан-чачын күтүлбөйт. Абанын температурасы түнкүсүн 4…6 градус суук болсо, күндүз 2 градуска чейин жогорулайт. Ошто кар жаабайт, түнкүсүн 5 градуска чейин суук болсо, күндүз 6 градуска чейин жылыйт.
Чүй, Талас, Жалал-Абад облустарынын кээ бир райондорунда кар жаашы күтүлөт, Ош, Баткен, Ысык-Көл, Нарын облустарында кар жаабайт.
