Кыргызстанда муфтийди шайлоо жазында, 4-апрелде өтөт. Талапкерлерге Кыргызстан мусулмандар башкармалыгынын аалымдар кеңеши тарабынан 12 шарт коюлду. Бул туурасында муфтияттын маалымат кызматынын өкүлү Максат Атабаев Sputnik Кыргызстан агенттигине кабарлады.
Кыргызстан мусулмандар Дин башкармалыгынын башчысы — муфтий болууга атанган талапкерге 12 талап коюлган. Алардын негизгиси, такыба, саясий партияларга мүчө болбогон, соттолбогон, элдин арасында кадыр-баркка ээ адам адам болушу шарт.
Ал талаптар туурасында муфтияттын өкүлү кененирээк айтып берди.
Муфтий болом дегендердердин арыздары 2017-жылдын 2-февралынан 24-февралы, саат 18:00 гө чейин Кыргызстандын Аалымдар кеңешине тапшырылышы керек.
Кыргызстандын азыркы муфтийи 44 жаштагы Максатбек Токтомушев бул кызматка 2014-жылы шайланган.
