Татьяна Тугушева өспүрүм кезинде ата-энесинен айрылып, төрт инисин багуу үчүн үй актап, кир жууп, бөтөлкө чогултуп, пансионаттарда иштеп акча тапкан. 25 жашка толгондо өтүкчүлүк менен алектенип, кесибин бүгүнкү күнгө чейин таштабай келет.
"Атам кичине кезибизде эле каза болуп калган. 14 жашка толгондо апамдан айрылдым. Төрт инимди багыш керек болду. Алгач ар кайсы иште иштеп жүрдүм. Балдар үйүндө окуп жүргөндө өзүбүздүн өтүктөрүбүздү өзүбүзгө тиктирчү. Ошону жакшы кылышыптыр. Себеби, кийин өтүкчүлүк кесипти аркалап инилеримди, андан кийин өз үй-бүлөмдү бактым", — деди Тугушева.
Ал өтүкчүлүк аял үчүн өөн учураган иш болсо да акчаны маңдай тери менен тапканына куштар экенин белгиледи.
Өтүкчү аял ыр жазып, сувенир жасап, сүрөт тартат. Учурда эки неберенин бактылуу чоң апасы.
