Мектеп окуучуларынын уюлдук телефон көтөрүүсүнө тыюу салуу керек. Бул тууралуу "Өнүгүү — Прогресс" фракциясынын депутаты Алтынбек Жунус уулу парламентте ар кандай маселелер каралып жатканда билдирди.
Анын айтымында, окуучулар уюлдук телефондорду максатсыз колдонушат.
"Балдар уюлдук телефондордон туура эмес жактарга кирип, ар кандай терс маалыматтарды алып жатышат. Учурда социалдык тармактарда өспүрүмдөрдү суицидге түрткөн оюндар жүрүүдө. Ошондуктан окуучулардын чөнтөк телефон көтөрүүсүнө тыюу салуу керек", — деди депутат.
Буга чейин кыргызстандык өспүрүмдөр социалдык тармактар аркылуу "морекитов", "тихий дом", явигре" жана "разбудименяв420" хэштегдери менен бөлүшө баштаганы айтылган. Ал эми Россиянын укук коргоо органдары өспүрүмдөрдүн өз өмүрүнө кол салып жатышына аталган хэштегдердин тиешеси бар экенин билдирген.
