БИШКЕК, 31-янв. — Sputnik. Президенттик аппараттын жетекчисинин биринчи орун басары болуп Сапар Исаков дайындалганын өлкө башчынын маалымат кызматы билдирди. Тийиштүү буйрукка Алмазбек Атамбаев кол койгон.
Белгилей кетсек, президенттик аппараттын Тышкы саясат бөлүмүн жетектеп келген Исаков Аалы Карашевдин ордун басты.
Карашев Жогорку Кеңештеги КСДП фракциясынан депутат болуп кеткенден кийин анын орду бош калган.
