БИШКЕК, 23-янв. — Sputnik. Казакстандык белгилүү продюсер Баян Максат кызы (Есентаева) социалдык тармактагы баракчасына турмушка чыккандыгы тууралуу жарыялады.
Есентаева өзүнүн Instagram тармагындагы жаңы баракчасына "Galanz Bottlers" компаниясынын директорлор кеңешинин төрагасы, бизнесмен Турсынгали Алагузовго турмушка чыккандыгын жазган.
Баян Есентаева былтыр 10-июнь күнү бычакталып Талгар шаарынын ооруканасына жаткырылган. Кылмышка шектүү катары анын күйөөсү Бахытбек Есентаев кармалган. "Ден соолукка олуттуу зыян келтиргени үчүн" деген берене кийин "Адам өлтүрүүгө аракет кылуу" беренеси менен алмаштырылган. Есентаева жолдошун сотто кечиргени менен ал тогуз жылга эркинен ажыратылган.
